NY KALOKO HONO HOE...
Maharavo.A
Ny kaloko hono hoe...
Toa kalon'olon'ory;
Kalon'olon-dresy
Sy toa reradrera-tsaina!
Fa tsy nahita tory
Amin'iza no hitaraina?
Amin'iza no hiankim-po?
Ny kaloko hono hoe ...
Toa miavaka amin'ny hafa!
Iriako mba hateza!
Hiraikitra tsy ho voafafa.
Any an-tsain'ny mpamaky;
Mba hampifaly fo vaky
Mba hampionona fo maratra!!.
Ny kaloko hono hoe...
Kalon'olo-mangina
Toa feno alahelo sy ventsoventsom-po
Alahelo mivelovelo,
Fa lavitr'olon-tiana!!
Lavitra sakaiza!!
Lavitra fa ho aiza?
Ty singan'olon-drery.
Toa mafy,toa an-tery
Nisedra ny mangidy
Manao soa sy adidy.
Maharavo.A