Kepoka
Raozigasy
Kepoky ny kapoka fa voakipaka mantsy
Ilay tovovavy kevoka voakopaky ny fantsy
Nakopaky ny tiany, toy ny kapo-kapa
Ka kepaka, nikipaka sy nipapapapa
Nanantena loatra fa ny hatanorany
No zahatra hahatafita azy eto an-tany
Tsy hainy anefa fa : izay no tena fitaka
Tsy azo entin-doatra hoe mibitabitaka
Nikoropaka, nikaroka, fika an’herikerika
Fa nampikorapadrapaka, ilay jejon’ito derika
Kepoky ny nenina, satria nimokamoka
Taitran’ny sodoka ka tonga dia bevohoka
Niantehitra, natoky ity seran’hatsarana
Ka nisolifatra, nasosany, fa nihanahana
Ny tantely raha afa-drakotra ny tranony ka vaky
Dia poa toy izay ange ny trosa-tany dia mitaky
Kaokan-teny am-bakiraoka,sy kiakam-baraka
Sisa nasetry ireto kiana sy latsan-kakakaka
Kohaka mangina, mikomy hoe « ekeko »
Nihohoka niaiky fa hoe koka … sisa reko
Raozigasy © 29/03/2017
