Singa tokana
Soanampoinimialy
"Izaho ilay singa tokana, singanina fa favy
angovo avo vava ka tsy vitanao gidraina
mivazavaza lava tsy mba miera tsy miangavy
mivezivezy foana fa tsy sahinao gadraina.
Izaho ilay vazovazo modimody taralila
mitempotempo gadona mavesatra.
Izaho ilay kalokalo adaladala varalila
mitetitety fara-vodilanitr’efatra.
Izaho ilay Zafindraony tsy mba milavo lefona
ilay angoa-tenda mandrebireby mpamosavy
mampifoha ny maty, tsy levon’olombelona.
Izaho ilay sioka tokan’ny mpiandry vavahady."
Soanampoinimialy
Mpanoratra sy Poeta monina any Etazonia i Soanampoinimialy. Vao namoaka boky amboaran-tononkalo "Volana sy Vinany" izy tamin'ny 2016.